ان شـاء الله تفيـدوني ،، - منتدي الرقية الشرعية
 
 
 
 
 
 
العودة   منتدي الرقية الشرعية > منتدي الاستفسارات والعلاج بالرقي > ركـن الاستفسار عن اي حالـــة
ركـن الاستفسار عن اي حالـــة أكتب مشكلتك ومايقلقك وسنرد على مشكلتك

 

ان شـاء الله تفيـدوني ،،

ركـن الاستفسار عن اي حالـــة


إضافة رد
 
أدوات الموضوع انواع عرض الموضوع
قديم 08-06-2008, 05:40 PM   رقم المشاركة : 1
بنت الكويت
عضو جديد




 
آخـر مواضيعي


بنت الكويت غير متواجد حالياً

بنت الكويت is on a distinguished road


افتراضي ان شـاء الله تفيـدوني ،،

السلام عليكم ..
شلونكم شخباركم ؟!
عساكم بخير وصحه وعافيه ان شاء الله ؟!
اول شي اشكـركم من كل قلبي على هالموقع القيم ..
وجزاكم الله خير على كل ماتقومون به !
وعساكم عالقوه

انا فتاة بعد جم يوم بكمل الـ 18 ان شاء الله ..
اعاني من عدة امراض مزمنه
" ذئبه حمراء - صدفيه - اكزيما دهينه - قرحة المعده "

الذئبه الحمراء .. سارلي تقريبا 7 سنين معاها
الصدفيه 6 سنين .. بس صدفيتي من النوعيه الشديده الي معاها صديد ..
والقرحه مادري والله بس توني عرفت عنها عن طريق مرض ثاني

والذئبه الحمراء .. اصابتني بعد اسبوعين من عرس خالي

الاعراض الي تحصلي ..
اعاني من خموووول وذبول وانكسار
ماعرف اشرحلكم والله .. بس امي تقولي جنج عيوز
يزفوني يبوني اتحرك .. احس ماقدر اتحرك .. مافيني قوه ولا حيل .. مع اني ضعيفه
احس احب الكسل مادري ليش ..
وظهري لاجلست يتحدب ..
مرات احس بام بظهري من كثر ما اتحدب وانا جالسه ..
وايد احس بضيق تنفس .. وبضيق في الصدر
وصداع ..

الاعراض عند قراءة القران

الي بالسابق ..
رعشه خفيفه بالقدم وتنميل ..
حركه من مؤخرة الراس للظهر ..


الي بالسابق ولازالت حاليا
صداع ..
تثاؤب واحيانا مصحوب بنعاس
ضيييييق تنفس قوي قوي اكاد اختنق
وضربات القلب تتسارع بقوة ..

وفي مره شغلت سورة البقرة بداري .. احس بوخزات بجسمي !!
وانا حاليا كل يوم اشغل سورة البقر ة عند النوم ..
بس احيانا والله احس نفس شي مثل الهوا يدخل من ريلي ويطلع ويسرح ويمرح بجسمي !!
ومره دخل باذوني وحتى احس سار ضغط باذوني قوي !!!
احس مارضاها عل نفسي يلعبون فيني على كيفهم !! هذا حقي وما اسكت عنه!

ولما رحت حق شيخ يقرى علي ..
ولاول مره بحياتي الدوره تنزل علي لاكثر من شهر من دون توقف !!

وكنت اعاني من امساك حااااااااد اسبوعين مايطلع بطني .. تصوروا !!
من شربت الماء المرقي .. ولله الحمد كل يومين بطني يطلع .. هذا من فضل ربي ..
وانا عصبيه عصبيه عصبيه بشكل ماتتخيلونه .. لدرجه لاعصبت اهلي يخافون مني
وعلى اتفه الاسباب اعصب .. واحس مايهمني احد الي براسي اسويه

اما عن الاحلام .. ابوي قبل سنتين اعتقد حلم بان ثعبان عضني بقدمي ..
وانا قبل كم شهر حلمت باني شفت اسد ..
وحلمت قبل اسبوع بكلبان لونهم اسود يريدون ان يعضوني
بس انا مسكتهم من فمهم وابعدتهم عني << قويه

ومره اختي حلمت بقطوتين بيض في بيتنا .. وحدة كبيره ووحدة صغيره

واختي وايد تحلم فيني مع الحشرات خاصه " الصرصور "

وحلمت مره بان امي كانت تقرى علي سورة الفاتحه او آية الكرسي ماذكر بالضبط
وكنت اختنق وخالتي ثريا كانت تقولها كملي قرايه ونفخي ونفثي في انفها
وكنت اقولها اختنق ماقدر اتنفس تقولي لان هني العله !

وصراحه يمكن في جم نقطه ماذكرتهم ..
لاتذكرتهم اقولهم ان شاء الله

واذا في اي سؤال انا حاضره







رد مع اقتباس
قديم 09-06-2008, 01:39 PM   رقم المشاركة : 2
الهاجري
[راقي شرعي معتمد]





 
آخـر مواضيعي


الهاجري غير متواجد حالياً

الهاجري is on a distinguished road


Smile رد: ان شـاء الله تفيـدوني ،،

الرجاء الاجابه على هذه الاسئلة
وحياك الله في المنتدى وستجدين ما يسرك باذن الله



1- هل تشعر بوجود ألم في مؤخرة الرأس ؟

2- هل تشعر بوجود ألم في المعدة او البطن وحراره في البطن؟

3- هل تشعر بوجود ألم في الظهر ( يشبه الدسك ) ؟

4- هل تشعر بالضيق قبل او بعد المغرب ؟

5- هل تأتيك احلام جنسيه اواحلام مخيفه وهل تكون كثيره ؟

6- هل تجد في جسدك ريحه غريبه او في البيت او في الفم ؟

7- هل نومك متقطع او تحس ان احد اوقضك من النوم؟

8- هل تخرج على جسدك بقع او حساسيه ؟

9- هل تحس بوجود احد بجانبك عندما تكون لوحدك؟

10- هل تحس براحه اثناء دخولك الحمام وتقضي اطول وقت فيه ؟

11- كيف علاقتك مع الصلاة والذكر ؟

12- هل تحس بتنميل في اطرافك او في الجسد ؟

13- هل تحس الان او في اي وقت بالخوف وبدون سبب؟

14- هل تحس انك بترجع ولوعه وتريد ان تستفرغ ولكن لايتحقق ذلك ؟

15- هل يوجد امساك يومي وغازات كثيرة بدون سبب؟

16- هل تحس بوجود ثقل في الاكتاف ؟

17- هل يوجد امساك بدون سبب وهل ذهبت لاي طبيب ؟ ومارأي الطبيب؟

18- هل لديك تعليق عن احلامك او هل لديك تعليق اضافي اكتب لنا تحت هذا السطر اي معلومه تريد ان تسردها لنا لكي وان لم يوجد اكتب لايوجد فقط.




هذا والسلام عليكم ورحمة الله وبركاته







التوقيع

راقي شرعي معتمد من قبل منتدي الرقية الشرعية

وله خبره طيبه في العلاج بالقرأن
العنوان :

الهاتف:

العلاج بالرقية الشرعية والسنه المطهرة

رد مع اقتباس
قديم 09-06-2008, 04:53 PM   رقم المشاركة : 3
بنت الكويت
عضو جديد




 
آخـر مواضيعي


بنت الكويت غير متواجد حالياً

بنت الكويت is on a distinguished road


افتراضي رد: ان شـاء الله تفيـدوني ،،

الرجاء الاجابه على هذه الاسئلة
وحياك الله في المنتدى وستجدين ما يسرك باذن الله

إن شاء الله ^_^
الله يحييك يارب ،،



1- هل تشعر بوجود ألم في مؤخرة الرأس ؟

لا بس كنت احس بخدر بهذه المنطقه
وخاصه لاسمعت شي يحزن .. او قريت ايه من ايات الله واستشعرت بعظمتها تتخدر عندي وتنمل
هذه المنطقه

2- هل تشعر بوجود ألم في المعدة او البطن وحراره في البطن؟

انا فيني قرحه .. مرات احس بالم .. ومرات احس شعور غريب بالمعده مع غثيان
بس اذكر قبل سنتين ..كان فمي يزبد .. واحس بستفرغ وماقدر استفرغ كنت اتعب حييل
كنت لازم كل يوم استفرغ من دون سبب .. اما الحين الحمدالله لا

3- هل تشعر بوجود ألم في الظهر ( يشبه الدسك ) ؟
انا احس ظهري يؤلمني مرات لاني اتحدب لما اجلس .. لكن مادري ماعرف الدسك شلون
ممكن تشرحولي شلون ؟

4- هل تشعر بالضيق قبل او بعد المغرب ؟

باغلب الاوقااات .. واكثر شي اول ماقعد من النووم

5- هل تأتيك احلام جنسيه اواحلام مخيفه وهل تكون كثيره ؟

احيانااا .. حتى احنا مقدمين على سفره لعلاجي بالخارج .. مرتين احلم بنفس الحلم
باننا نركب الطائره وتبدي تتشقلب بنا مثل لعبة قطار الموت

6- هل تجد في جسدك ريحه غريبه او في البيت او في الفم ؟

احيانا

7- هل نومك متقطع او تحس ان احد اوقضك من النوم؟

متقطع متقطع متقطع .. مادري من شنو

8- هل تخرج على جسدك بقع او حساسيه ؟

نعم لان انا اساسا فيني مرض جلدي .. فمادري هل في شغلات غيره او لا

9- هل تحس بوجود احد بجانبك عندما تكون لوحدك؟

مرتين اعتقد حسيت بان احد ناااايم بجانبي !! والله ومن الخرعه خفت الف ويهي

10- هل تحس براحه اثناء دخولك الحمام وتقضي اطول وقت فيه ؟

لاااا .. قبل كنت احب استحم لمدة ساعه .. اما الحين عشر دقايق واطلع بسرعه مادري ليش

11- كيف علاقتك مع الصلاة والذكر ؟

الحمدالله اصلي الا الفجر اصليها الصبح استغفرالله .. بس اصلي احس موبخشوع
مثل واجب وااديه استغفرالله موبايدي
والله من ابدا اصلي احس اسرح او اي شي اقعد اعاني

12- هل تحس بتنميل في اطرافك او في الجسد ؟

قبل ئي خاصه بقراءة القران بقدمي اما الحين لا

13- هل تحس الان او في اي وقت بالخوف وبدون سبب؟
احيانا احس بخووووف شديد واحس ان قلبي بيطلع من الخوف .. واحيانا احس مايهمني شي
ولا اخاف ولا شي احس قلبي ميت


14- هل تحس انك بترجع ولوعه وتريد ان تستفرغ ولكن لايتحقق ذلك ؟

قبل ئي اما الحين ذهب عني هالشعور .. بس قبل فتره تعبت حيل وصديق والدي كان يرقيني
فقرا لي على ماي وقالي شربيه شربته حسيت باني اريد ان استفرغ .. بعدها قرا على ماي وقالي شربيه بعد حسيت بان الماء مررررررر .. حتى لو ان الماء مو لنا جان شكيت بانه حاط فيه شي من مرورته ! فقالي بان بسبب العين حسيت بجذي


15- هل يوجد امساك يومي وغازات كثيرة بدون سبب؟
قبل ئي وكان حاااااد .. من بعد شرب الماء المرقي ذهب ولله الحمد

16- هل تحس بوجود ثقل في الاكتاف ؟
مادري والله بس احسني ثقيييييله حيل وللعلم اني ضعيفه حييل ..
احس حمل ثقيل ملقي علي ..

17- هل يوجد امساك بدون سبب وهل ذهبت لاي طبيب ؟ ومارأي الطبيب؟
رحتلهم .. وفحصو الغده الدرقيه لان بعد اعاني من برودة شديده بالاطراف
ولكن ولله الحمد سليمه ومافيها شي

18- هل لديك تعليق عن احلامك او هل لديك تعليق اضافي اكتب لنا تحت هذا السطر اي معلومه تريد ان تسردها لنا لكي وان لم يوجد اكتب لايوجد فقط.

اخر مره حلمت فيها بكلبان لونهم اسود ارادا عضي !
ولكني ابعدتهم عني !

فماذا يعني ؟

وشكرا جزيلااااا



هذا والسلام عليكم ورحمة الله وبركاته
وعليكم السلام والرحمه







رد مع اقتباس
قديم 09-06-2008, 07:13 PM   رقم المشاركة : 4
الهاجري
[راقي شرعي معتمد]





 
آخـر مواضيعي


الهاجري غير متواجد حالياً

الهاجري is on a distinguished road


Smile رد: ان شـاء الله تفيـدوني ،،

اسأل الله العظيم رب العرش العظيم ان يشفيك
الاعراض التي تعانين منها اعراض سحر مع عين ويوجد مس من الشياطين .
ما هي جنسية الخادمة التي عندكم ؟ وهل انتم معرضين للسحر من الاقارب مثلا بسبب مشكلة ما ؟
او هل كانت لك علاقة مع شخص ما؟
وهل تسمعين الاغاني ؟
وهل ذهبت لاحد المشعوذين لمعرفة حالتك؟ وان ذهبت هل اعطاك شيء ما ؟
وهل يوجد لديك امساك واسهال؟
هل في بيتكم احدا مصاب؟

اسأله سبحانه لك العافية







التوقيع

راقي شرعي معتمد من قبل منتدي الرقية الشرعية

وله خبره طيبه في العلاج بالقرأن
العنوان :

الهاتف:

العلاج بالرقية الشرعية والسنه المطهرة

رد مع اقتباس
قديم 10-06-2008, 01:28 AM   رقم المشاركة : 5
بنت الكويت
عضو جديد




 
آخـر مواضيعي


بنت الكويت غير متواجد حالياً

بنت الكويت is on a distinguished road


افتراضي رد: ان شـاء الله تفيـدوني ،،

اقتباس:
المشاركة الأصلية كتبت بواسطة الهاجري مشاهدة المشاركة
اسأل الله العظيم رب العرش العظيم ان يشفيك
الاعراض التي تعانين منها اعراض سحر مع عين ويوجد مس من الشياطين .
ما هي جنسية الخادمة التي عندكم ؟ وهل انتم معرضين للسحر من الاقارب مثلا بسبب مشكلة ما ؟
او هل كانت لك علاقة مع شخص ما؟
وهل تسمعين الاغاني ؟
وهل ذهبت لاحد المشعوذين لمعرفة حالتك؟ وان ذهبت هل اعطاك شيء ما ؟
وهل يوجد لديك امساك واسهال؟
هل في بيتكم احدا مصاب؟

اسأله سبحانه لك العافية
انت نفس الشيخ الي رحتله اول مره قال ان الي فينا سحر !!

خادمتنا الي كانت تطبخ .. اهي مسافره من زمان من 3 سنين يمكن
بس كانت موجودة قبل لا امرض انا .. وفلبينيه
وعندنا خادمه موجودة من قبل لا امرض وليلحين .. هنديه

علاقتنا مع الناس وااااايد زينه ولله الحمد .. حتى الخدم ..
للاسف اسمع
لا لا اسم الله علي مارحت ولا افكر اروح
بس الشيخ الي رحناله سال وحده كان فيها جن عني !
وقالت ان فيني عين وانا وجدتي نفس مصدر العين
وان فيني 4 ينانوه برقبتي !
وان في واحد روسي عطى خادمتنا سحر اعتقد شي من هالكلام

بس انا مادش راسي كلامها ! لان شلون يسال جن معتدي على مراه
يعني الجن معتدي عليها وكافر فشلون يصدق كلامه ؟ لو جن مسلم يمكن يمكن نحاول نصدق شوي
عشان جذي بعدها تركناه .. للعلم اهو وايد زين بس هالنقطه ماعجبتنا ..

مثل ماقتلك كان فيني امساك شدددددددددييد
مع الماء المرقي راح الحمدالله ..

لا بس انا المريضه
وانا مقبله على سفر للخارج .. لان الطبيبه اغسلت ايدها من حالتي

يعطيك العافيه






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
توكلي على الله في شفاء ابني من الصرع والتشنجات roze ركـن الاستفسار عن اي حالـــة 1 20-07-2012 11:40 PM
{حكم من لا يؤمن بأن القرآن فيه شفاء} فاطمة ركن الحوار العام 4 05-02-2009 04:39 AM
القرآن شفاء للقلوب والأبدان .... فتوى للشيخ/ عبد الله بن عبد الرحمن الجبرين الصالحة ركن الرقي والتحصين 1 07-03-2008 02:48 AM


الساعة الآن 03:03 AM.


Powered by vBulletin® Version 3.8.7, Copyright ©2000 - 2014, Jelsoft Enterprises Ltd هاتف المدير العام ابومكتوم. 00971501401888